ଫୁଲବାଣୀ, 19/10/24; କନ୍ଧମାଳ ଜିଲ୍ଲା ସଦର ମହକୁମାର ଫୁଲବାଣୀ କୁମ୍ଭାରପଡ଼ା ଠାରେ ମା ଗଜଲକ୍ଷ୍ମୀ ପୂଜା ଏବଂ କଂସ ଦରବାରର ମହୋତ୍ସବ
ତୃତୀୟ ଦିନରେ ଅତିଥି ଭାବେ ଫୁଲବାଣୀ ମୁନିସିପାଳିଟି ଅଧ୍ୟକ୍ଷ ଶ୍ରୀମତୀ ପାୟଲ ବେହେରା ଏବଂ ସବୁ ୱାର୍ଡର କାଉନସିଲର ମାନେ ଯୋଗ ଦେଇଥିଲେ । ଲାଲ୍ ବାହାଦୁର ଶାସ୍ତ୍ରୀ ଯୁବକ ସଂଘ ଏବଂ ଗ୍ରାମ କମିଟି ପକ୍ଷରୁ ଆୟୋଜିତ ଗଜଲକ୍ଷ୍ମୀ ପୂଜା ପ୍ରତି ବର୍ଷ ପାଳନ ହେଉଛି । ସଂଘର ସଭାପତି, ସଦସ୍ୟ ଓ କର୍ମକର୍ତା ମାନେ ଅତିଥି ମାନଙ୍କୁ ବାଜା ବାଦ୍ୟ ଓ ବାଣ ଫୁଟାଇ ସ୍ବାଗତ କରିଥିଲେ ତାପରେ ଅତିଥି ମାନେ ମା ଗଜଲକ୍ଷ୍ମୀଙ୍କ ଆଶୀର୍ବାଦ ନେଇଥିଲେ। ଅତିଥି ମାନଙ୍କ ଅଭିଭାଷଣରେ କ୍ଳବର ଉନ୍ନତି ପାଇଁ ସହଯୋଗ କରିବା ପାଇଁ ପ୍ରତିଶ୍ରୁତି ଦେବା ସହିତ ଯୁବକ ମାନଙ୍କ ସାଧୁ ଉଦ୍ୟମ ପାଇଁ ପ୍ରଶଂସା କରିଥିଲେ, ସୁଦୂର ବରଗଡ ଜିଲ୍ଲା ରୁ ଆସିଥିବା କଂସ ଦରବାର ଏବଂ ଅନ୍ୟାନ୍ୟ ସାଂସ୍କୃତିକ କାର୍ଯ୍ୟକ୍ରମରେ ଲୋକେ ବିମହିତ ହୋଇଥିଲେ। ଏହି ଅବସରରେ ବିଶିଷ୍ଟ ଶାସ୍ତ୍ରୀୟ ସଙ୍ଗୀତ ସାଧକ ଶ୍ରୀଯୁକ୍ତ ଲାଷ୍ମୀନାରାୟଣ ପୁରୋହିତ ସଙ୍ଗୀତ ପରିବେଷଣ କରିଥିଲେ। ଏହା ପରେ ବିଶିଷ୍ଟ ଶାସ୍ତ୍ରୀୟ ସଙ୍ଗୀତ ସାଧକ ଶ୍ରୀଯୁକ୍ତ ଲାଷ୍ମୀନାରାୟଣ ପୁରୋହିତ ଏବଂ ବିଶିଷ୍ଟ ତବଲା ବାଦକ ଶ୍ରୀ ଅନନ୍ତ ପାତ୍ର ଏବଂ ଶ୍ରୀ ଶଙ୍କର୍ଷଣ ସାହୁ ଙ୍କୁ ମାନ ପତ୍ର ଦେଇ ସମ୍ବର୍ଦ୍ଧନା କରାଯାଇଥିଲା, କାର୍ଯ୍ୟକ୍ରମକୁ ଉପଭୋଗ କରିବା ପାଇଁ ଶତାଧିକ ଲୋକ ଉପସ୍ଥିତ ଥିଲେ
