ଫୁଲବାଣୀ : ବରଡ଼ା ବାଲୁଙ୍କେଶ୍ଵର ସରକାରୀ ଉଚ୍ଚ ବିଦ୍ୟାଳୟ, ଲାଇନ ପଡ଼ା, କନ୍ଧମାଳରେ ବିଶ୍ଵ ହିନ୍ଦୀ ଦିବସ ପାଳିତ ହୋଇଯାଇଛି। ଉକ୍ତ କାର୍ଯ୍ୟକ୍ରମରେ ବିଦ୍ୟାଳୟର ପ୍ରଧାନ ଶିକ୍ଷକ ସୋମନାଥ ସାହାଣୀ, ବରିଷ୍ଠ ଶିକ୍ଷକ ବିକ୍ରମ ବିହାରୀ ବେହେରା, ବିଦ୍ୟାଳୟ ର ହିନ୍ଦୀ ଶିକ୍ଷକ ଶ୍ରୀ ଲକ୍ଷ୍ମୀନାରାୟଣ ପୁରୋହିତ, ଶିକ୍ଷୟିତ୍ରୀ ଶ୍ରୀମତୀ ମାନିନୀ ପ୍ରଧାନ, ଶ୍ରୀମତୀ ବାସନ୍ତୀ ପ୍ରଧାନ, ଶିକ୍ଷକ ଶ୍ରୀଯୁକ୍ତ ସୁଶୀଲ କୁମାର ପାରାସେଠ, ସୁଶୀଲ କୁମାର କହଁର, ପ୍ରତିମା କହଁର, ଶ୍ୱଜିତ ଦାସ, ସ୍ମୃତିକାନ୍ତ ମହାରଥ, ସୁଭେନ୍ଦୁ ସିଂ ପ୍ରମୁଖଙ୍କ ସହାୟତାରେ କାର୍ଯ୍ୟକ୍ରମଟିକୁ ବହୁ ଆଡ଼ମ୍ବର ସହିତ ପାଳନ କରାଯାଇଥିଲା। ବିଶ୍ଵ ହିନ୍ଦୀ ଦିବସ ଅବସରରେ ବିଦ୍ୟାଳୟ ର ହିନ୍ଦୀ ଶିକ୍ଷକ ଶ୍ରୀ ଲକ୍ଷ୍ମୀନାରାୟଣ ପୁରୋହିତଙ୍କ ହିନ୍ଦୀ ଶିକ୍ଷା ମାଧ୍ୟମରେ ହିନ୍ଦୀ ଛାତ୍ର-ଛାତ୍ରୀଙ୍କ ଦ୍ବାରା କାର୍ଯ୍ୟକ୍ରମ ପରିଚାଳନା କରିବାର ବିଶେଷ ମୁହୂର୍ତ୍ତ ଦେଖୁବାକୁ ମିଳିଥିଲା।ଏହି କାର୍ଯ୍ୟକ୍ରମରେ ଗୁରୁଜୀ-ଗୁରୁମାଙ୍କ ଠାରୁ ଆରମ୍ଭ କରି ଛାତ୍ର-ଛାତ୍ରୀଙ୍କ ପର୍ଯ୍ୟନ୍ତ ବିଶ୍ଵ ହିନ୍ଦୀ ଦିବସ ସମ୍ପର୍କରେ ଆଲୋକପାତ କରିଥିଲେ ଏବଂ ସମସ୍ତଙ୍କ ଅଭିବ୍ୟକ୍ତି ଥିଲା ଯେ, ଆମ ରାଷ୍ଟ୍ରଭାଷା, ଭାଷା ’ହିନ୍ଦୀ’ ହେଉଛି ବିଶ୍ୱ ଏକତାର ପ୍ରତୀକ। ଏହି ଦିବସରେ ବିଭିନ୍ନ ପ୍ରତିଯୋଗୀ ଭାଇ ଭଉଣୀ ମାନଙ୍କୁ ପୁରସ୍କୃତ କରାଯିବା ସହିତ, ନୃତ୍ୟ,ସଙ୍ଗୀତ ପରିବେଷଣ, ମିଷ୍ଟାନ୍ନ ବଣ୍ଟନ, ହିନ୍ଦୀ ଛାତ୍ର-ଛାତ୍ରୀଙ୍କ ତରଫରୁ ବିଦ୍ୟାଳୟକୁ ଉପହାର ପ୍ରଦାନ ଏବଂ ଧନ୍ଯବାଦ ଅର୍ପଣ ସହିତ କାର୍ଯ୍ୟକ୍ରମଟିକୁ ସମାପନ କରାଯାଇଥିଲା।
