ଫୁଲବାଣୀ, 21/10/24; କନ୍ଧମାଳ ଜିଲ୍ଲା ସଦର ମହକୁମାର ଫୁଲବାଣୀ କୁମ୍ଭାରପଡ଼ା ଠାରେ ମା ଗଜଲକ୍ଷ୍ମୀ ପୂଜା ଏବଂ କଂସ ଦରବାର ମହୋତ୍ସବ ଶେଷ ଦିନରେ ମୁଖ୍ୟ ଅତିଥି ଭାବେ ମାନ୍ୟବର ବିଧାୟକ ଫୁଲବାଣୀ ଶ୍ରୀଯୁକ୍ତ ଉମା ଚରଣ ମଲ୍ଲିକ ଏବଂ ଅନ୍ୟ ମାନେ ଯୋଗ ଦେଇଥିଲେ । ଲାଲ୍ ବାହାଦୁର ଶାସ୍ତ୍ରୀ ଯୁବକ ସଂଘ ଏବଂ ଗ୍ରାମ କମିଟି ପକ୍ଷରୁ ଆୟୋଜିତ ଗଜଲକ୍ଷ୍ମୀ ପୂଜା ପ୍ରତି ବର୍ଷ ପାଳନ ହୋଇ ଆସୁଛି । ସଂଘର ସଭାପତି, ସଦସ୍ୟ ଓ କର୍ମକର୍ତା ମାନେ ଅତିଥି ମାନଙ୍କୁ ବାଜା ବାଦ୍ୟ ଓ ବାଣ ଫୁଟାଇ ସ୍ବାଗତ କରିଥିଲେ ତାପରେ ଅତିଥି ମାନେ ମା ଗଜଲକ୍ଷ୍ମୀଙ୍କ ଆଶୀର୍ବାଦ ନେଇଥିଲେ। ଅତିଥି ମାନଙ୍କ ଅଭିଭାଷଣରେ କ୍ଲବର ଉନ୍ନତି ପାଇଁ ସହଯୋଗ କରିବା ପାଇଁ ପ୍ରତିଶ୍ରୁତି ଦେବା ସହିତ ଯୁବକ ମାନଙ୍କ ସାଧୁ ଉଦ୍ୟମ ପାଇଁ ପ୍ରଶଂସା କରିଥିଲେ, ସୁଦୂର ବରଗଡ ଜିଲ୍ଲା ରୁ ଆସିଥିବା କଂସ ଦରବାର ଏବଂ ଅନ୍ୟାନ୍ୟ ସାଂସ୍କୃତିକ କାର୍ଯ୍ୟକ୍ରମରେ ଲୋକେ ଉପଭୋଗ କରିଥିଲେ। ଶେଷରେ କଂସ ବଧ ଦରବାର କାର୍ଯ୍ୟକ୍ରମ ଶେଷ ହୋଇଥିଲା । କାର୍ଯ୍ୟକ୍ରମକୁ ଉପଭୋଗ କରିବା ପାଇଁ ଶତାଧୂକ ଲୋକ ଉପସ୍ଥିତ ଥିଲେ
